Gweithiwr Cymdeithasol

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2593 

Cyngor Sir Caerfyrddin
1
Parhaol Amser Llawn
Caerfyrddin, Llanelli, Llanymddyfri, Rhydaman
Social Worker
£39,152 up to £47,181*
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£20.29 up to £24.46*
37

Mae gennym swydd wag ar gyfer Gweithiwr Cymdeithasol yn ein Tîm Gwaith Cymdeithasol yr Ysbyty. Ein gwaith yw cefnogi oedolion i ddychwelyd i'r gymuned ar ôl cyfnod yn yr ysbyty. Rydym yn dîm sefydledig sy'n cwmpasu Ysbytai Glangwili, Tywysog Philip, Dyffryn Aman a Llanymddyfri. Ein ffocws yw gweithio'n agos gyda unigolion, gofalwyr, cydweithwyr iechyd, therapïau a gwasanaethau cymunedol i sicrhau rhyddhad amserol a diogel o'r ysbyty. Byddwch yn cael cyfle i weithio gyda amrywiaeth o unigolion mewn amgylchiadau gwahanol ymhlith ag amrywiaeth o weithwyr proffesiynol eraill, i gyd wedi ymrwymo i sicrhau'r canlyniad gorau i'r unigolyn hwnnw.

Byddwch yn rhan o dîm cefnogol iawn, wedi ymrwymo i ddarparu gwasanaethau Gwaith Cymdeithasol o ansawdd uchel ac yn rhan o wasanaeth ehangach sy'n gweithio gyda'i gilydd i wneud y gorau i gefnogi oedolion sydd angen ein gwasanaethau. Byddwch hefyd yn rhan o dîm sy'n gwerthfawrogi eich profiad a'ch sgiliau ond sydd hefyd yn barod i'ch helpu i ddatblygu'r profiad a'r sgiliau hynny ymhellach.

Rydym yn chwilio am ymgeiswyr sydd â chymhwyster Gwaith Cymdeithasol ac yn ddelfrydol â phrofiad o weithio gyda oedolion, yn enwedig mewn lleoliad ysbyty. Bydd yr ymgeisydd llwyddiannus yn cael rhaglen gyflwyno lawn ynghyd â chyfleoedd i ddysgu a datblygu.

Os ydych yn teimlo y gallech gyfrannu a dod â’ch profiad, syniadau a sgiliau i’r tîm, rydym am glywed wrthoch.

Fel Gweithiwr Cymdeithasol sydd newydd gymhwyso, byddwch yn cael y dechrau gorau gyda chymorth pwrpasol i ddatblygu eich gyrfa ym maes gwaith cymdeithasol. Rydym hefyd yn cydnabod y gwerth aruthrol sydd gan brofiad a'r gwaith cymhleth y mae Gweithwyr Cymdeithasol profiadol yn ei wneud. Byddwch yn cael cyfle i wneud cynnydd o ran ymarfer gwaith cymdeithasol (y tu allan i lwybr rheoli) drwy ein 'Fframwaith Cynnydd ar gyfer Ymarferydd Profiadol'. Mae cynnydd llwyddiannus yn cynnig yr ystod uwch o wobrau cyflog.

Gallwn gynnig i chi:

  • ymsefydlu cynhwysfawr
  • goruchwyliaeth broffesiynol reolaidd
  • gweithio ystwyth/hybrid
  • gweithio hyblyg
  • 27 diwrnod o wyliau blynyddol ar ddechrau'r swydd, yn cynyddu i 35 ynghyd ag 8 gŵyl y banc
  • cynllun pensiwn llywodraeth leol
  • buddiannau gweithwyr
  • cyfle i wneud cynnydd a rhaglen datblygiad proffesiynol gefnogol. 

* Mae cynnydd y tu hwnt i bwynt cyflog £42839, hyd at uchafswm o £47181 yn amodol ar asesiad panel cynnydd o dan ‘Fframwaith Cynnydd Ymarferydd Profiadol’ yr Awdurdod.

 **Fframwaith Dilyniant Ymarferydd Profiadol

Mae'r 'Fframwaith' yn cydnabod Gweithwyr Cymdeithasol sydd wedi cwblhau eu rhaglen gydgrynhoi, ac sy'n ymgymryd ag arfer gwaith cymdeithasol cymhleth fel mater o drefn. Mae hefyd yn cydnabod y Gweithwyr Cymdeithasol hynny sy'n ymgymryd ag ôl-gymhwyso, rhaglenni DPP ac ymchwil perthnasol, a allai gynnwys bod yn Addysgwr Ymarfer sydd â Myfyrwyr 2il a 3edd flwyddyn, neu AMHP trwyddedig ac ymarfer o fewn yr Awdurdod.

Am drafodaeth anffurfiol am y swydd hon, cysylltwch â Nadine Maddocks-Tudur ar 01267 246967.

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

22/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.