Swyddog Dylestwydd Nos - Cartref Gofal Dolyfelin

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2587 

Cyngor Sir Caerfyrddin
1
Parhaol Rhan-amser
Sanclêr
Gradd F +8%
£30,886 - £35,204
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£16.00 - £18.25
35 awr

Dewch i ymuno â’n tîm  

Ydych chi’n angerddol am wneud gwahaniaeth gwirioneddol ym mywydau pobl?

Oes gennych chi agwedd dawel, ofalgar a sgiliau arwain cryf?

Rydym yn chwilio am Swyddog Dyletswydd Nos i ymuno â’n tîm ymroddedig mewn lleoliad gofal preswyl. Mae hwn yn rôl werth chweil ac ystyrlon i rywun sy’n frwdfrydig, tosturiol ac wedi ymrwymo i ddarparu gofal a chymorth o ansawdd uchel dros nos.

Beth fyddwch chi’n ei wneud:

Fel aelod allweddol o’n tîm nos sefydledig, byddwch yn arwain ar sicrhau diogelwch, cysur a lles ein preswylwyr. Bydd eich cyfrifoldebau’n cynnwys (ond heb fod yn gyfyngedig i):

  • Hyrwyddo gofal seiliedig ar werthoedd sy’n cefnogi annibyniaeth ac yn gwella ansawdd bywyd
  • Goruchwylio a chefnogi staff nos i gynnal safonau uchel o ofal
  • Monitro ac arwain staff ar drin â llaw a dulliau gweithio diogel eraill
  • Cynorthwyo gyda gweinyddu meddyginiaeth a sicrhau cydymffurfiad â pholisïau gofal
  • Arwain ar ddogfennaeth gofal, gan sicrhau bod cofnodion yn gyfredol ac yn adlewyrchu arfer gorau
  • Cydweithio’n agos â’r rheolwr i ddatblygu partneriaethau cryf gyda theuluoedd, gweithwyr proffesiynol a’r gymuned ehangach
  • Sicrhau bod safonau Iechyd a Diogelwch yn cael eu bodloni bob amser
  • Cymryd cyfrifoldeb am eich dysgu, goruchwyliaeth a datblygiad eich hun

Yr hyn rydym yn chwilio amdano:

  • Agwedd gadarnhaol, rhagweithiol a brwdfrydedd gwirioneddol am ofal
  • Profiad o weithio mewn lleoliad gofal – yn ddelfrydol mewn rôl oruchwylio
  • Dealltwriaeth gadarn o safonau gofal a deddfwriaeth
  • Y gallu i arwain gyda phroffesiynoldeb, empathi a hyder
  • Agwedd hyblyg a dibynadwy tuag at waith nos

Pam ymuno â ni?

  • Amgylchedd tîm cefnogol a chynhwysol
  • Hyfforddiant parhaus, datblygiad a chyfleoedd gyrfa
  • Y cyfle i wneud gwahaniaeth gwirioneddol bob nos
  • A manteision gweithio i Gyngor Sir Gaerfyrddin
  • NVQ Lefel 3 mewn Gofal (neu wedi cofrestru ac yn gweithio tuag ato) • Diploma Lefel 3 mewn Iechyd a Gofal Cymdeithasol (Oedolion) QCF • Y gallu i ddangos datblygiad proffesiynol parhaus

Am sgwrs anffurfiol, cysylltwch â Jason Gregory ar 01994 230039

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

28/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.