Peiriannydd Cynorthwyol (Fefnffyrdd) Ymgeiswyr Mewnol yn Unig

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2562 

Cyngor Sir Caerfyrddin
1
Parhaol Amser Llawn
Caerfyrddin
Gradd I
£39,152 - £42,839
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£20.29 - £22.21
37

Mae cyfle wedi codi i unigolyn hyblyg, brwdfrydig iawn ymuno â'r Is-adran Priffyrdd a Thrafnidiaeth i roi hwb i'r  Rheolwr Partneriaeth Cefnffyrdd wrth reoli a chyflawni  swyddogaethau  Gwasanaethau Priffyrdd yn gyffredinol ar draws rhwydwaith Cefnffyrdd Sir Gaerfyrddin. 

Yn benodol, byddwch yn gyfrifol am ddarparu cymorth technegol a gweinyddol i Reolwr y Bartneriaeth Cefnffyrdd i gyfrannu at gyflawni'r contract Cynnal a Chadw Cefnffyrdd yn effeithiol ac yn effeithlon. Mae hefyd yn ofynnol i ddeiliad y swydd gynorthwyo'r Goruchwyliwr Cefnffyrdd i reoli, trefnu a goruchwylio'r gweithlu ac adnoddau eraill.

Byddwch yn cynorthwyo'r Rheolwr Partneriaeth Cefnffyrdd i ddatblygu rhaglenni gwaith, asesiadau risg, systemau gwaith diogel a datganiadau dull. Byddwch hefyd yn gweithio'n agos gyda'r Goruchwyliwr Cefnffyrdd i sicrhau bod yr holl swyddogaethau gweithredol yn cael eu cyflawni'n llym yn unol â'r holl weithdrefnau iechyd a diogelwch. Byddwch hefyd yn helpu i adolygu adnoddau tîm a rolau a chyfrifoldebau aelodau'r tîm i sicrhau bod y tîm Cefnffyrdd yn cael cymorth i ddarparu gwasanaethau o safon uchel ac yn unol â'r contract cefnffyrdd.

Rhaid i ymgeiswyr feddu ar wybodaeth dechnegol fanwl a phrofiad o adeiladu peirianneg sifil a gweithrediadau cynnal a chadw priffyrdd a goruchwylio a gweinyddu contractau. Rhaid bod gennych ddealltwriaeth gynhwysfawr o Weithdrefnau Tendro, Rheolau Caffael, Rheoliadau a Gweithdrefnau Ariannol ac arferion Monitro Cyllidebau.

Bydd gennych sgiliau rheoli prosiect a bydd gennych hefyd brofiad helaeth mewn deddfwriaeth iechyd a diogelwch, Rheoliadau CDM 2015, profiad rheoli prosiect ac ariannol a fydd yn cefnogi ac yn cyflawni amcanion busnes. 

( Mae'r swydd wedi'i lleoli yn ein Depo Caerfyrddin )

I gael sgwrs anffurfiol cysylltwch â Wayne Davies ar WDavies@sirgar.gov.uk

8 Ionawr 2026
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

24/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.