Ymarferydd Plant a Theuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2512 

Cyngor Sir Caerfyrddin
1
Dros Dro/Secondiad - Amser Llawn
31 Mawrth 2027
Sir Gaerfyrddin
Gradd F
£28,598 - £32,597
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£14.82 - £16.90
37

Rydym yn chwilio am ‘Ymarferydd Plant a Theuluoedd’ medrus a brwdfrydig i ymuno â’n tîm.  Mae’r rôl hon yn rhan o’n Tîm Cymorth Cynnar, gwasanaeth ataliol sy’n darparu cymorth wedi’i deilwra i blant a phobl ifanc ag anableddau a’u teuluoedd.

Bydd rhan graidd o’ch rôl yn cynnwys cefnogi achosion statudol sydd ar agor i’r Gwasanaeth Anabledd 0–25.  Byddwch yn defnyddio dull sy’n canolbwyntio ar gryfderau’r unigolyn gan gynnig arweiniad wedi’i lywio gan dystiolaeth sy’n berthnasol i anghenion unigol pob plentyn.  Gall y cymorth gynnwys:

  • Cymorth Ymddygiad Cadarnhaol 
  • Strategaethau prosesu synhwyraidd
  • Hylendid cwsg a datblygu trefn  
  • Gwella cyfathrebu a rhyngweithio cymdeithasol  
  • Meithrin annibyniaeth a sgiliau bywyd hanfodol

Mae cydweithredu yn allweddol.  Byddwch yn gweithio i gefnogi tîm aml-ddisgyblaethol  gan gynnal cyfathrebu cadarn a gweithio ar y cyd â gweithwyr cymdeithasol ac ystod o weithwyr proffesiynol eraill.

Rydym yn chwilio am rywun sydd â phrofiad o gyflwyno rhaglenni rhianta neu ymyriadau wedi’u targedu sy’n cefnogi newid ymddygiadol.  Mae sgiliau cadarn i gyfathrebu, arsylwi, a’r gallu i feithrin ymddiriedaeth gyda theuluoedd  a gweithwyr proffesiynol yn hanfodol.

Oriau Gwaith:

Mae’r rôl hon yn llawn amser, o ddydd Llun i ddydd Iau, 8:45yb – 5:00yp, a dydd Gwener, 8:45yb – 4:30yp, o dan ein bolisi gweithio hyblyg.  Efallai bydd angen gweithio gyda’r nos neu ar benwythnosau o bryd i’w gilydd.

Gofynion:

  • Rhaid bod â gwiriad DBS (Gwasanaeth Datgelu a Gwahardd) dilys
  • Rhaid bod â thrwydded yrru lawn a mynediad at gerbyd

Am ragor o wybodaeth neu sgwrs anffurfiol, cysylltwch:

Kelly Witts, kawitts@carmarthenshire.gov.uk

Leyla Dorson, LDorsan@carmarthenshire.gov.uk

Tel: 01267 246673

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

22/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.