Gweinyddwr Gofal Cymdeithasol

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2491 

Cyngor Sir Caerfyrddin
1
Parhaol Amser Llawn
Caerfyrddin
Gradd D
£25,583 - £26,403
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£13.26 - £13.69
37

Ydych chi’n angerddol am gefnogi’ch cymuned leol ac â diddordeb mewn rôl sy’n helpu i ddarparu gwasanaethau gofal cymdeithasol hanfodol i oedolion ar draws Sir Gaerfyrddin?

Os felly, mae gennym gyfle cyffrous i chi ymuno â’n tîm fel Gweinyddwr Gofal Cymdeithasol o fewn Tîm Gwaith Cymdeithasol Iechyd Meddwl yr Ardal, wedi’i leoli yng Nghanolfan Feddygol Canolfan Adnoddau Ffordd Wellfield, Caerfyrddin.

Fel rhan o dîm ymroddedig a phroffesiynol, byddwch yn chwarae rhan allweddol wrth sicrhau rhedeg llyfn ac effeithlon gwasanaethau gofal cymdeithasol ac iechyd meddwl o ansawdd uchel i oedolion. Gan weithio o dan gyfarwyddyd Arweinydd Tîm Cymorth Gofal Cymdeithasol, byddwch yn darparu ystod eang o dasgau gweinyddol a chymorth busnes sy’n cefnogi staff rheng flaen i ddarparu gwasanaethau hanfodol i’n cymuned.

Yr hyn rydym yn chwilio amdano:

Rydym yn chwilio am unigolyn cymhellgar a rhagweithiol sydd ag:

  • Sgiliau trefnu a gweinyddol rhagorol
  • Gallu cyfathrebu cryf a sgiliau gofal cwsmeriaid
  • Lefel uchel o gywirdeb a sylw i fanylion
  • Y gallu i reoli blaenoriaethau cystadleuol a gweithio o fewn terfynau amser tynn
  • Agwedd hyblyg a gallu addasu, yn unol ag ethos ‘Un Tîm’ y Cyngor

Yr hyn rydym yn ei gynnig:

  • Amgylchedd tîm cefnogol
  • Cyfleoedd ar gyfer dysgu a datblygu sy’n briodol i’r rôl
  • Y cyfle i ddatblygu gyrfa werth chweil ym maes cymorth busnes o fewn Cyngor Sir Caerfyrddin
  • Y cyfle i gyfrannu’n uniongyrchol at wasanaethau sy’n gwneud gwir wahaniaeth ym mywydau pobl

Os ydych chi’n barod i ddod â’ch sgiliau a’ch brwdfrydedd i rôl lle byddwch yn cael eich gwerthfawrogi a’ch cefnogi, byddem wrth ein bodd yn clywed gennych.

Am sgwrs anffurfiol am y rôl, cysylltwch â:
Ceri Anastasi – 07341 096731 | E-bost: caanastasi@sirgar.gov.uk

 

Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

18/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.