Cynorthwy-ydd Arlwyo - Maeslliedi

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2482 

Cyngor Sir Caerfyrddin
1
Parhaol Rhan-amser
Llanelli
Gradd A
£24,413
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£12.65
12 Awr a 30 Munud

Hoffech chi roi cynnig ar yrfa werth chweil mewn arlwyo, gan ennill sgiliau gwerthfawr, a bod yn rhan o dîm ymroddedig? 

Rydyn ni'n chwilio am Gynorthwyydd Arlwyo brwdfrydig a chyfeillgar i ymuno â'r tîm yng Ngwasanaeth Dydd Maeslliedi. Os ydych chi'n angerddol am ddarparu gwasanaeth bwyd rhagorol a sicrhau safon uchel o ran hylendid a glanweithdra, gallai hon fod y rôl i chi.

Gan weithio o ddydd Llun i ddydd Gwener rhwng 11:30am a 2pm, mae ein rôl yn cynnig y cydbwysedd perffaith i gyd-fynd â'ch bywyd teuluol neu ymrwymiadau eraill ac mae'n gyfle gwych i gyfrannu at wasanaeth dydd prysur, gan sicrhau bod ein defnyddwyr gwasanaeth yn cael profiad bwyta cadarnhaol.

Beth fyddwch yn ei wneud:

  • Byddwch yn gyfrifol am dderbyn y bwyd a gwirio ei fod yn cyrraedd yn barod i'w weini ac o fewn yr ystod tymheredd priodol.
  • Gweini prydau gyda gwên, gan sicrhau profiad bwyta hwylus a phleserus i'n defnyddwyr gwasanaeth gan ystyried dewisiadau ac anghenion unigol o ran paratoi’r bwyd.
  • Rheoli lefelau stoc cyflenwadau bwyd a Chyfarpar Diogelu Personol ar gyfer ardal y gegin.
  • Gosod a chlirio byrddau yn effeithlon, gan gynnal amgylchedd glân a deniadol.
  • Cynnal a chadw'r gegin i safon uchel o ran Hylendid Bwyd ac Iechyd a Diogelwch.
  • Bod yn hyblyg i gynorthwyo gydag unrhyw ddyletswyddau arlwyo cyffredinol eraill.

Beth ydym ni'n chwilio amdano:

  • Agwedd gadarnhaol a chyfeillgar ynghyd â pharodrwydd i ddysgu.
  • Sgiliau pobl cryf i adeiladu perthynas â staff a defnyddwyr gwasanaeth.
  • Dealltwriaeth sylfaenol o alergenau a diogelwch bwyd (darperir hyfforddiant pe bai angen).
  • Y gallu i weithio'n annibynnol ac mewn tîm.
  • Hyblygrwydd i helpu gyda gweithgareddau arlwyo amrywiol.

Yn barod i wneud gwahaniaeth?

Os ydych yn chwilio am rôl sy'n rhoi boddhad, sy'n hyblyg ac sy’n cynnig cyfleoedd gwirioneddol i ddatblygu, hoffem glywed gennych! I gael sgwrs anffurfiol neu ragor o wybodaeth, cysylltwch â Lee Rowlands ar 01554 777222

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

16/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.