Glanhawr Achlysurol

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2480 

Cyngor Sir Caerfyrddin
lluosog
Achlysurol
Sir Gaerfyrddin
Gradd A
£12.65
Achlysurol

Ydych chi'n chwilio am waith hyblyg sy'n cyd-fynd â'ch amserlen? Ymunwch â'n tîm fel Glanhawr Achlysurol a helpwch i gadw ein cyfleusterau'n lân, yn ddiogel ac yn groesawgar o gwmpas Sir Gaerfyrddin.

Dyletswyddau

Mae dyletswyddau'n cynnwys dwsto, ysgubo, hwfro, mopio a gwagio biniau gwastraff yn ogystal ag ail-lenwi eitemau traul a glanhau'n drylwyr yn ôl yr angen. Byddwch yn gyfrifol am ddefnyddio offer glanhau, peiriannau a chemegau, gan ddilyn canllawiau iechyd a diogelwch. 

Oriau Gwaith

Bydd oriau gwaith yn amrywio yn dibynnu ar y lleoliad y cewch eich neilltuo i lanhau. Bydd rhai sifftiau'n digwydd yn gynnar yn y bore (6:00am–8:00am), eraill yn hwyr yn y prynhawn (rhwng 3:30pm–5:00pm), a rhai gyda'r nos (5:00pm–7:00pm). Bydd argaeledd sifftiau'n amrywio o ddydd i ddydd. Bydd sifftiau'n cael eu hysbysebu trwy ein Ap, gan ganiatáu ichi godi gwaith pan fydd yn gyfleus i chi. Cynigir y rôl hon ar sail achlysurol, sy'n golygu nad yw oriau'n cael eu gwarantu bob dydd. Fodd bynnag, mae gennym nifer fawr o sifftiau ar gael bob dydd ar draws amrywiol leoliadau.

Lleoliad

Rydym yn chwilio am lanhawyr a all weithio o gwmpas Sir Gaerfyrddin gan gynnwys Llanelli, Caerfyrddin, Castellnewydd Emlyn, Llandyfri, Llandeilo, a lleoliadau eraill ar draws y Sir.

Os ydych chi'n unigolyn dibynadwy a phrydlon sydd wedi ymrwymo i gynnal safon glanhau uchel, hoffem glywed gennych chi.

Mae angen dau gyfeirnod a GDG ar gyfer y cyfle hwn. Am drafodaeth anffurfiol am ein swydd wag, cysylltwch â Shannen Rees drwy e-bost SHRees@sirgar.gov.uk neu 01267 228139.

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 1 - Bydd angen gwybodaeth sylfaenol am y Gymraeg arnoch. Gellir darparu cymorth rhesymol ar ôl penodi i gyrraedd y lefel hon.

31/01/2026, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.