Rheolwr Cynorthwyol y Tîm - Mabwysiad

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2472 

Cyngor Sir Caerfyrddin
1
Parhaol Amser Llawn
Caerfyrddin, Sir Gaerfyrddin
Gradd K
£47,181 - £51,356
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£24.46 - £26.62
37

Yn Sir Gaerfyrddin, rydyn ni'n gwybod y gall Gweithwyr Cymdeithasol da wneud byd o wahaniaeth i blant a theuluoedd sydd angen cymorth.

Mae Mabwysiadu Canolbarth a Gorllewin Cymru yn chwilio am Reolwr Cynorthwyol Tîm profiadol a gwybodus.

Bydd Rheolwr Cynorthwyol y Tîm yn dal llwyth achosion bach, cymhleth ac yn cyflawni rôl oruchwylio i nifer cyfyngedig o Weithwyr Cymdeithasol yn ein Gwasanaeth Mabwysiadu (GORLLEWIN) - tîm prysur sy'n gyfrifol am asesu darpar fabwysiadwyr, dod o hyd i deuluoedd a pharu ymysg swyddogaethau statudol eraill

Mae Mabwysiadu Canolbarth a Gorllewin Cymru yn gydweithrediad mabwysiadu rhanbarthol ar draws 4 Awdurdod lleol cyfagos, Powys, Sir Benfro, Ceredigion a Sir Gaerfyrddin fel yr awdurdod cynnal.

Mae'r Cydweithrediad Mabwysiadu Rhanbarthol yn ymfalchïo ei fod yn cyflawni pharhauster ar gyfer plant ar draws y rhanbarth a hwn fyddai'ch cyfle chi i weithio gyda thîm ymrwymedig a phrofiadol i gefnogi plant a mabwysiadwyr.

Rydyn ni'n chwilio am berson ysbrydoledig, brwdfrydig ac egnïol sy'n gallu cydweithio ac arwain ac ysgogi tîm i ddarparu gwasanaeth o safon i blant a phobl ifanc a'u teuluoedd, gan sicrhau bod ymarfer gweithwyr cymdeithasol o safon uchel

Mae hwn yn amser cyffrous i ymuno â thîm gwybodus a blaengar sy'n gwerthfawrogi'r profiad a'r sgiliau sydd gennych chi.

Byddwch chi'n rhan o dîm, sydd wedi ymrwymo i ddarparu ymarfer Gwaith Cymdeithasol o ansawdd uchel mewn perthynas â phrosesau Mabwysiadu

Rydyn ni'n chwilio am ymgeiswyr sydd â chymhwyster Gwaith Cymdeithasol a phrofiad o weithio gyda phlant, pobl ifanc a theuluoedd mewn rôl gofal cymdeithasol.

Gallwn ni gynnig cymorth ymsefydlu cynhwysfawr, goruchwyliaeth broffesiynol reolaidd, gweithio hybrid a hyblyg, a rhaglen datblygiad proffesiynol gefnogol.

Os ydych chi'n teimlo y gallwch chi gyfrannu a dod â'ch profiad, eich syniadau a'ch sgiliau i'r tîm, rydyn ni eisiau clywed gennych.

Am sgwrs anffurfiol cysylltwch â Catrin Williams, CatrWilliams@sirgar.gov.uk

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

16/12/2025, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.