Arweinydd y Tîm Trethiant Lleol

Ynglŷn â'r swydd wag

2432 

Cyngor Sir Caerfyrddin
1
Parhaol Rhan-amser
Llanelli
Gradd I
£39,152 - £42,839
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£20.29 - £22.21
37 awr

Arwain gyda Phwrpas fel Arweinydd ein Tîm Trethiant Lleol

Rydym yn chwilio am arweinydd blaengar sy'n cael ei yrru gan werthoedd i ymuno â'n Tîm Trethiant Lleol. Mae hwn yn gyfle cyffrous i rywun sydd am wneud gwahaniaeth ystyrlon, datblygu ei sgiliau arwain, a helpu i lunio gwasanaeth sy'n rhoi pobl yn gyntaf.

Fel Arweinydd y Tîm, byddwch yn gwneud mwy na rheoli gweithrediadau – byddwch yn creu amgylchedd lle mae cydweithwyr yn teimlo eu bod yn cael eu cefnogi, yr ymddiried ynddynt, a'u bod yn cael eu grymuso i wneud eu gwaith gorau. Trwy arwain gydag uniondeb a thosturi, byddwch yn arwain y tîm i gyflawni canlyniadau teg, amserol ac o ansawdd uchel i'r bobl rydym yn eu gwasanaethu.

Byddwch hefyd yn chwarae rhan allweddol wrth sbarduno newid cadarnhaol. Gan ddefnyddio offer digidol a phrosesau mwy clyfar, byddwch yn ein helpu i weithio'n fwy effeithlon a chreu profiad gwell i'n cwsmeriaid. Bydd cydweithio wrth wraidd eich dull – gan adeiladu perthynas gref ag eraill ar draws gwasanaethau a gweithio gyda rhanddeiliaid i ddylunio ffyrdd o weithio yn y dyfodol.

Rydym yn chwilio am rywun sy'n:

  • Gwerthfawrogi pobl ac yn credu mewn datblygu cryfderau eraill.
  • Dod â strwythur ac eglurder wrth wynebu heriau cymhleth a bod yn bwyllog.
  • Cyfathrebu'n agored ac yn ysbrydoli ymddiriedaeth.
  • Cofleidio newid fel cyfle i dyfu a gwella.
  • Meddu ar angerdd gwirioneddol dros wneud i wasanaethau cyhoeddus weithio'n well i bawb.

Yn gyfnewid am hynny, byddwn yn cynnig cyfle i chi dyfu mewn amgylchedd cefnogol ac uchelgeisiol, lle bydd eich syniadau a'ch arweinyddiaeth yn cael effaith wirioneddol ar eich tîm a'r gymuned rydym yn ei gwasanaethu.

Os ydych yn barod i arwain gyda phwrpas ac effaith, byddem wrth ein bodd yn clywed gennych.

Os hoffech drafod y cyfle, cysylltwch ag

 Ann Thomas [Anthomas@sirgar.gov.uk] neu

 Steff Thomas [SteffanWThomas@sirgar.gov.uk].

Bydd gwiriad sylfaenol gan y Gwasanaeth Datgelu a Gwahardd (DBS) yn ofynnol ar gyfer y swydd hon
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

07/06/2026, 23:55 

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK.  Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.