Gweithiwr Cymdeithasol

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2388 

Cyngor Sir Caerfyrddin
1
Parhaol Amser Llawn
Caerfyrddin
Social Worker
£39,152 up to £47,181*
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£20.29 up to £24.46*
37

Mae cyfle cyffrous wedi codi i recriwtio gweithiwr cymdeithasol i ymuno â’n Tîm Iechyd Meddwl Cymunedol (CMHT) sydd wedi’i sefydlu’n dda ac sydd yn angerddol am wneud gwahaniaeth mewn Iechyd Meddwl. Mae’r swydd hon yn ymdrin â ardal Gogledd Sir Gaerfyrddin sy’n cynnwys Castell Newydd Emlyn, Llandysul, Llanbedr Pont Steffan a’r ardaloedd o’i chwmpas. Byddwch yn gweithio ochr yn ochr â CMHT Hafan Hedd sydd wedi’i leoli yn Nhref Castell Newydd Emlyn. Byddwch hefyd yn gweithio ochr yn ochr â Thîm Gweithwyr Cymdeithasol Iechyd Meddwl Caerfyrddin sydd wedi’i leoli yn Canolfan Adnoddau Wellfield. Gall y swydd hon fod yn hyblyg o ran cynnig CMHT Caerfyrddin neu CMHT Hafan Hedd fel sail i weithio ohoni.

Byddwch yn Gweithiwr Cymdeithasol Cofrestredig (Gradd mewn Gwaith Cymdeithasol, DipSW, CQSW) gyda DBS estynedig ar y gwasanaeth diweddaru. Yn ddelfrydol, bydd gennych brofiad blaenorol o weithio gyda phobl sydd yn profi heriau neu sydd ag anghenion sy’n ymwneud ag eu problemau iechyd meddwl. Byddai bod yn Broffesiynol Iechyd Meddwl Cymeradwy (AMHP) yn fantais ychwanegol, a bydd y Cyngor yn darparu talu ychwanegol am hynny. Fodd bynnag, os nad ydych yn AMHP, mae hyfforddiant ar gael. Bydd disgwyl i chi reoli achosion pobl â salwch meddwl difrifol gan weithredu fel cydlynydd gofal o dan Mesur Iechyd Meddwl (Cymru) 2010 ac yn cynnal asesiadau o dan Ddeddf Gwasanaethau Cymdeithasol a Llesiant 2014. Bydd angen i chi feddu ar sgiliau asesu, cynllunio gofal a gwirio, a bod yn ymrwymedig i egwyddorion cyd-gynhyrchu a sefydlu beth sy’n wirioneddol bwysig i’r person.

Rydym yn croesawu ceisiadau gan weithwyr cymdeithasol newydd gymhwyso. Byddai'r rôl hon yn addas i weithiwr cymdeithasol sydd â diddordeb mewn gweithio gyda phobl ifanc ac sydd â diddordeb mewn iechyd meddwl a chefnogi llwybrau pontio. 

Fel Gweithiwr Cymdeithasol sydd newydd gymhwyso, byddwch yn cael y dechrau gorau gyda chymorth pwrpasol i ddatblygu eich gyrfa ym maes gwaith cymdeithasol. Rydym hefyd yn cydnabod y gwerth aruthrol sydd gan brofiad a'r gwaith cymhleth y mae Gweithwyr Cymdeithasol profiadol yn ei wneud. Byddwch yn cael cyfle i wneud cynnydd o ran ymarfer gwaith cymdeithasol (y tu allan i lwybr rheoli) drwy ein 'Fframwaith Cynnydd ar gyfer Ymarferydd Profiadol'*. Mae cynnydd llwyddiannus yn cynnig yr ystod uwch o wobrau cyflog **.

Gallwn gynnig i chi:

  • ymsefydlu cynhwysfawr
  • goruchwyliaeth broffesiynol reolaidd
  • gweithio ystwyth/hybrid
  • gweithio hyblyg
  • 27 diwrnod o wyliau blynyddol ar ddechrau'r swydd, yn cynyddu i 35 ynghyd ag 8 gŵyl y banc
  • cynllun pensiwn llywodraeth leol
  • buddiannau gweithwyr
  • cyfle i wneud cynnydd a rhaglen datblygiad proffesiynol gefnogol.
  • Mae'n hanfodol eich bod yn gallu teithio ledled y sir.

**Mae Fframwaith Datblygu Ymarferydd Profiadol yn cydnabod Gweithwyr Cymdeithasol sydd wedi cwblhau eu rhaglen cydgyfuno, ac sydd yn rheolaidd yn ymgymryd ag ymarfer gwaith cymdeithasol cymhleth. Mae hefyd yn cydnabod y Gweithwyr Cymdeithasol hynny sy’n cymryd rhan mewn rhaglenni ôl-qualifying perthnasol, CPD a gwaith ymchwil, a all gynnwys bod yn Addysgwr Ymarfer sydd yn dysgu Myfyrwyr Blwyddyn 2 a 3, neu fod yn AMHP trwyddedig ac yn ymarfer o fewn y Awdurdod.

*Mae datblygiad y tu hwnt i bwynt tâl £42,839, hyd at y uchafswm o £47,181 yn destun asesiad panel datblygu o dan Fframwaith Datblygu Ymarferydd Profiadol Gwaith Cymdeithasol yr Awdurdod.

Am drafodaeth anffurfiol, cysylltwch â Claire Evans clairemevans@sirgar.gov.uk Ffôn 01267 236017

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

07/01/2026, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.