Gweithiwr Cymdeithasol

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.  

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu.  Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.   

Ynglŷn â'r swydd wag

2325 

Cyngor Sir Caerfyrddin
1
Parhaol Amser Llawn
Rhydaman, Sir Gaerfyrddin
Social Worker
£39,152 up to £47,181*
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
£20.29 up to £24.46*
37

Dewch i ymuno â’n tîm 

Rydym yn dîm sy'n ymroddedig i wella bywydau plant a phobl ifanc yn ardal Sir Gaerfyrddin. Os ydych yn Weithiwr Cymdeithasol cymwysedig, mae hwn yn gyfle delfrydol i ymuno ag adran gefnogol iawn, a hoffem glywed gennych.

Rydym yn angerddol ynghylch cefnogi plant a'u teuluoedd, gan sicrhau bod gan ein gweithwyr cymdeithasol y cymorth sydd ei angen arnynt i fod lle mae eu hangen fwyaf - gyda theuluoedd ac nid ffeiliau. Mae dod yn weithiwr cymdeithasol yn Sir Gaerfyrddin yn golygu ymuno â gwasanaeth sydd â sylfeini cadarn, tîm rheoli sefydlog a gweithlu ymroddedig.

Rydym yn un o'r ychydig awdurdodau lleol sydd wedi lleihau’n gyson nifer y plant sy'n derbyn gofal yn eu sir ac rydym wedi gwneud hyn trwy arloesi yn ein timau gwaith cymdeithasol a buddsoddi mewn gwasanaethau ataliol, yn ogystal â gweithio i rymuso a chefnogi teuluoedd i ddod yn fwy gwydn.

Fel Gweithiwr Cymdeithasol sydd newydd gymhwyso, byddwch yn cael y dechrau gorau gyda chymorth pwrpasol i ddatblygu eich gyrfa ym maes gwaith cymdeithasol. Rydym hefyd yn cydnabod y gwerth aruthrol sydd gan brofiad a'r gwaith cymhleth y mae Gweithwyr Cymdeithasol profiadol yn ei wneud. Byddwch yn cael cyfle i wneud cynnydd o ran ymarfer gwaith cymdeithasol (y tu allan i lwybr rheoli) drwy ein 'Fframwaith Cynnydd ar gyfer Ymarferydd Profiadol'. Mae cynnydd llwyddiannus yn cynnig yr ystod uwch o wobrau cyflog.

Gallwn gynnig proses sefydlu gynhwysfawr, goruchwyliaeth broffesiynol reolaidd, gweithio hybrid a gweithio hyblyg, ynghyd â rhaglen datblygu proffesiynol gefnogol. (Gweithiwr cymdeithasol plant (llyw.cymru)) - Gweithiwr cymdeithasol plant

Rydym yn cynnig pecyn buddion rhagorol gan gynnwys:

  • Cofrestru awtomatig i'r Cynllun Pensiwn Llywodraeth Leol
  • Hawl gwyliau blynyddol hael gyda'r opsiwn o brynu gwyliau blynyddol ychwanegol.
  • Mynediad at gymorth iechyd a lles staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e. cynllun beicio i’r gwaith
  • Gweithio hyblyg a pholisïau sy'n ystyriol o deuluoedd
  • Hyfforddiant a chefnogaeth helaeth
  • Parcio am ddim yn y prif swyddfeydd gwaith cymdeithasol plant yn Llanelli, Caerfyrddin a Rhydaman.

Cliciwch ar y ddolen - Buddiannau gweithwyr (llyw.cymru) i gael rhagor o wybodaeth am yr ystod o fudd-daliadau a threfniadau gweithio rydym yn eu cynnig.

Am sgwrs anffurfiol cysylltwch â Jessica Morgan, JGMorgan@carmarthenshire.gov.uk neu Marissa Douglas,  MDouglas@carmarthenshire.gov.uk   

* Mae dilyniant y tu hwnt i bwynt cyflog £42,839, hyd at uchafswm o £47,181 yn amodol ar asesiad panel dilyniant o dan 'Fframwaith Dilyniant Ymarferydd Profiadol Gwaith Cymdeithasol'**

**Fframwaith Dilyniant Ymarferydd Profiadol

Mae'r 'Fframwaith' yn cydnabod Gweithwyr Cymdeithasol sydd wedi cwblhau eu rhaglen gydgrynhoi, ac sy'n ymgymryd ag arfer gwaith cymdeithasol cymhleth fel mater o drefn. Mae hefyd yn cydnabod y Gweithwyr Cymdeithasol hynny sy'n ymgymryd ag ôl-gymhwyso, rhaglenni DPP ac ymchwil perthnasol, a allai gynnwys bod yn Addysgwr Ymarfer sydd â Myfyrwyr 2il a 3edd flwyddyn, neu AMHP trwyddedig ac ymarfer o fewn yr Awdurdod.     

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

05/01/2026, 23:55 

Y Buddion

Rydym yn cynnig pecyn buddion ardderchog, gan gynnwys: 

  • Cyflog cystadleuol 
  • Cofrestru'n awtomatig i'r Cynllun Pensiwn Llywodraeth Leol
  • Hawl i wyliau blynyddol hael gyda'r opsiwn o brynu gwyliau blynyddol ychwanegol
  • Mynediad at gymorth iechyd a llesiant i staff
  • Datblygiad personol a dilyniant gyrfa
  • Cynlluniau disgownt staff a buddion eraill e.e., cynllun beicio i'r gwaith
  • Gweithio hyblyg a pholisïau sy'n ystyriol o deuluoedd 

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu.  Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. 

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work. Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio’ i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.

Mae'r cyfle hwn ar gau i geisiadau.